Sabías que o Estado español merca, cos nosos impostos, armas a Israel e que estas compras contribúen directamente á economía dun país que comete crimes de guerra e crimes de lesa humanidade? Israel emprega Palestina como campo de probas para probar armas e tecnoloxía de represión que logo vende ao resto do mundo baixo a marca “probado en combate”. Armas e tecnoloxía probadas na poboación palestina en operacións que violan de forma flagrante o dereito internacional humanitario e o dereito internacional dos dereitos humanos. Armas e tecnoloxía adquiridas por diversos exércitos de todo o mundo, incluído o exército español.