Israel está bombardeando intencionadamente barrios residenciais, escolas, campos de refuxiados, hospitais e ambulancias na Franxa de Gaza. O fiscal da Corte Penal Internacional abriu investigacións por crimes de guerra e organizacións de dereitos humanos e as axencias das Nacións Unidas instan a que a comunidade internacional tome medidas urxentes para deter este masacre. Só entre o 7 de outubro e o 27 de novembro de 2023, máis de 20.000 persoas foron asasinadas en Gaza, entre elas polo menos 8.000 nenos e nenas. Save the Children denuncia que dende 2019 houbo máis mortos de nenos na Franxa de Gaza en só tres semanas que en todas as zonas de conflito do mundo.

Segundo esta organización, un neno morre cada 10 minutos en Gaza.

Expertos das Nacións Unidas advirten de que o que está a suceder hoxe en Gaza pode ser un xenocidio e instan aos gobernos a tomar medidas, afirmando que “os aliados de Israel tamén teñen responsabilidade e deben actuar agora para evitar o seu desastroso curso de acción (…) todas as partes deben cumprir as súas obrigas en virtude do dereito internacional humanitario e dos dereitos humanos“.

É importante entender este embargo de armas dun xeito bidireccional, é dicir, é necesario prohibir tanto a venda como a compra de armas e tecnoloxía de seguridade a Israel. España compra moitas máis armas a Israel das que vende. Israel emprega Palestina, especialmente a Franxa de Gaza, como campo experimental para probar novas armas e métodos de represión que despois exporta para ser utilizados contra poboacións civís de todo o mundo. Estes produtos anúncianse como “probada en combate” e isto converteuse nun valor engadido no mercado internacional de seguridade e defensa. A marca “probada en combate” que promove Israel fai referencia a produtos que foron probados en civís palestinos. Un xenocidio debería rendir contas e non beneficios económicos. 

Por todos estes motivos, esiximos ao Goberno de España que poña fin inmediatamente ao comercio militar e de seguridade con Israel.